logo

Issue No : 1511 Issue Date: June 17, 2018

NEW ISSUE







Daily News

Reports

EDITORIAL

സാമൂഹ്യമാദ്ധ്യമങ്ങളിലൂടെ സ്ത്രീകളെ അപമാനിച്ചാല്‍ കടുത്തശിക്ഷ നല്‍കുന്നതിന് കേന്ദ്രസര്‍ക്കാര്‍ കൊണ്ടുവരുന്ന നിയമഭേദഗതി ഡിജിറ്റല്‍ മദ്ധ്യമരംഗത്ത് ആരോഗ്യപരമായ മാറ്റങ്ങള്‍ കൊണ്ടുവരും. കടുത്ത നിയന്ത്രണങ്ങളില്‍ പ്രവര്‍ത്തിക്കുന്ന അച്ചടിമാദ്ധ്യമങ്ങളില്‍ നിന്നും വ്യത്യസ്തമായി യാതൊരു നിയമവും തങ്ങള്‍ക്ക് ബാധകമല്ലെന്ന മട്ടിലാണ് ഡിജിറ്റല്‍ മാദ്ധ്യമങ്ങള്‍ പ്രവര്‍ത്തിച്ചു പോന്നത്. തോന്നിയതുപോലെ വാര്‍ത്തകള്‍ സൃഷ്ടിക്കുകയും ആരെയും അധിക്ഷേപിക്കുകയും ചെയ്യുന്ന രീതി ഡിജിറ്റല്‍ മാദ്ധ്യമ രംഗത്ത് വ്യാപകമായിരുന്നു. ഇതിന് അറുതി വരുത്തിക്കൊണ്ട് ഓണ്‍ലൈന്‍ പ്രസിദ്ധീകരണങ്ങളിലൂടെ സ്ത്രീകളെ അവഹേളിക്കുന്നവര്‍ക്ക് മൂന്നുവര്‍ഷംവരെ തടവും രണ്ടുലക്ഷം രൂപ പിഴയും ഉറപ്പാക്കുന്ന നിയമഭേദഗതിക്കാണ് വനിതാ ശിശുക്ഷേമ മന്ത്രാലയം ഒരുങ്ങുന്നത്. ഈ നിയമഭേദഗതിയുടെ കരട് തയ്യാറായിക്കഴിഞ്ഞു. നിലവില്‍ അച്ചടി മാദ്ധ്യമങ്ങള്‍ക്കു മാത്രം ബാധകമായ 1986-ലെ സ്ത്രീകളെ സഭ്യമല്ലാത്തരീതിയില്‍ ചിത്രീകരിക്കുന്നത് നിരോധിച്ചുകൊണ്ടുള്ള നിയമത്തിന്റെ പരിധിയില്‍ ഡിജിറ്റല്‍ മാദ്ധ്യമങ്ങളെയും ഉള്‍പ്പെടുത്തും. ഓണ്‍ലൈന്‍ പത്രങ്ങള്‍, വാട്‌സാപ്പ്, ഫേസ്ബുക്ക് തുടങ്ങിയവയിലൂടെ സ്ത്രീകളെ അപമാനിക്കുന്നവരുടെയെണ്ണം ദിനംപ്രതി പെരുകുകയാണ്. കഴിഞ്ഞ ദിവസമാണ് നടി അപര്‍ണ്ണ ബാലമുരളി ഇത്തരത്തില്‍ അപമാനിക്കപ്പെട്ടത്. പുതിയ നിയമഭേദഗതി നടപ്പിലായിക്കഴിഞ്ഞാല്‍ ഓണ്‍ലൈനിലൂടെ ആര്‍ക്കും ആരെക്കുറിച്ചും എന്തും എഴുതുകയും പ്രചരിപ്പിക്കുകയും ചെയ്യാമെന്ന അവസ്ഥയ്ക്ക് അവസാനമാകും. ഇത് ഓണ്‍ലൈന്‍ മാദ്ധ്യമങ്ങള്‍ക്ക് കൂടുതല്‍ ഉത്തരവാദിത്വവും അന്തസ്‌സും സമ്മാനിക്കും. അതുകൊണ്ടുതന്നെ ഈ നീക്കം സ്വാഗതാര്‍ഹമാണ്.

VIDEO BUZZ

 
BOX OFFICE
സിനിമ ദിവസം തിയേറ്റർ ഗ്രോസ്
അരവിന്ദന്റെ അതിഥികൾ 42 നിള ,ശ്രീവിശാഖ് ,ന്യൂ,ഏരീസ്,ഗ്രീൻഫീൽഡ് ,എം.ഒ .ടി കാർണിവൽ 1,12,29,788.00
മഹാനടി 28 ന്യൂ ,ഏരീസ് 14,82,953.00
Copyright @vellinakshatram.com. Designed & Powered by INTUISYZ All rights reserved.