logo

Issue No : 1516 Issue Date: July 22, 2018

Vellinakshatram Sectional News3

Focus

കെ. വി ആനന്ദ് സംവിധാനം ചെയ്യുന്ന സൂര്യയുടെ മുപ്പത്തിയേഴാം ചിത്രത്തിന്റെ ഷൂട്ടിങ്ങിന്റെ ഭാഗമായി ലണ്ടനിലായിരുന്ന മോഹന്‍ലാല്‍ ആദ്യ ഷെഡ്യുള്‍ പൂര്‍ത്തിയാക്കി. കേരളത്തില്‍ തിരിച്ചെത്തി ജൂലൈ 18ന് പൃഥ്വിരാജ് ആദ്യമായി സംവിധാനം ചെയ്യുന്ന ലൂസിഫറില്‍ ജോയിന്‍ ചെയ്യും. ലുസിഫറിന് ശേഷം അഞ്ജലി മേനോന്‍ ചിത്രത്തിലായിരിക്കും മോഹന്‍ലാല്‍ അഭിനയിക്കുക എന്ന് സൂചനയുണ്ട്. ബാംഗ്‌ളൂര്‍ ഡേയ്‌സിനുശേഷം അഞ്ജലി ഒരുക്കിയ പൃഥ്വിരാജ്, നസ്‌റിയ, പാര്‍വ്വതി ചിത്രമായ കൂടെ തിയേറ്ററുകളിലെത്തിക്കഴിഞ്ഞു. ഇനി അഞ്ജലി സംവിധാനം ചെയ്യുന്നത് മോഹന്‍ലാല്‍ ചിത്രമാണെന്ന് വാര്‍ത്തയുണ്ട്. കുടുംബ പഞ്ചാത്തലത്തില്‍ ഒരുങ്ങുന്ന ഒരു ഫീല്‍ ഗുഡ് ചിത്രമായിരിക്കും ഇതത്രേ. എന്തായാലും ഈ ചിത്രം സംബന്ധിച്ച ഔദ്യോഗിക സ്ഥിരീകരണം വന്നിട്ടില്ല.

read more
Vellinakshatram Sectional News4

ലൂസിഫർ

രാഷ്ട്രീയപശ്ചാത്തലത്തില്‍ മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ലൂസിഫറില്‍ ബോളിവുഡ് താരം വിവേക് ഒബ്രോയ്, മലയാളത്തിന്റെ ലേഡി സൂപ്പര്‍സ്റ്റാര്‍ മഞ്ജു വാര്യര്‍, യംഗ് സെന്‍സേഷന്‍ ടൊവിനോ തോമസ്, ഇന്ദ്രജിത് എന്നിവര്‍ പ്രധാന വേഷങ്ങളില്‍ എത്തുന്നു. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ഈ ചിത്രത്തിന് തിരക്കഥ ഒരുക്കുന്നത് മുരളി ഗോപിയാണ്, സുജിത് വാസുദേവാണ് ്ഛായാഗ്രഹണം. കമ്പനി എന്ന ചിത്രത്തിന് ശേഷം വിവേക് ഒബ്രോയ് മോഹന്‍ലാലിനൊപ്പം അഭിനയിക്കുന്ന ചിത്രമാണിത്. ടൊവിനോ തോമസ് മോഹന്‍ലാലിനൊപ്പം ആദ്യമായി അഭിനയിക്കുന്നു പ്രത്യേകതയും ഇതിനുണ്ട്. ജൂലൈ 18ന് വണ്ടിപ്പെരിയാറില്‍ ചിത്രീകരണം ആരംഭിക്കുന്ന ലൂസിഫര്‍ ആഗസ്റ്റ് ആദ്യ വാരം തിരുവനന്തപുരത്തേക്ക് ഷിഫ്റ്റ് ചെയ്യും. ആഗസ്റ്റ് 6 മുതല്‍ സെപ്റ്റംബര്‍ 15 വരെ 40 ദിവസം തിരുവനന്തപുരത്താണ് ഷൂട്ടിംഗ്. ഹൈദരാബാദാണ് ചിത്രത്തിന്റെ മറ്റൊരു ലൊക്കേഷന്‍.

read more
NEW ISSUE







Daily News

Reports

EDITORIAL

താരസംഘടനയും സാങ്കേതികവിദഗ്ധന്മാരുടെ സംഘടനകളും സിനിമയിലെ സ്ത്രീകളുടെ കൂട്ടായ്മയും ഫേസ്ബുക്ക് എഴുത്തുകാരുമെല്ലാം കൂടി ആരോപണപ്രത്യാരോപണങ്ങളുമായി മലയാള സിനിമയില്‍ ദിവസേന പുതിയ പുതിയ പോര്‍മുഖങ്ങള്‍ തുറക്കുന്നു. വ്യവസായത്തെ തളര്‍ച്ചയില്‍ നിന്നും രക്ഷിക്കാന്‍ ബാധ്യസ്ഥരായ കലാകാരന്മാര്‍ സ്ഥാപിത താല്‍പ്പര്യങ്ങളുടെയും പൂര്‍വ്വവൈരാഗ്യത്തിന്റെയും പേരില്‍ പരസ്പരം പോരടിക്കുമ്പോള്‍ സിനിമയെന്ന വ്യവസായം പിന്നോട്ടടിക്കുന്നു. മുട്ടനാടുകള്‍ തമ്മിലിടിച്ച് ചോരതെറ്റിക്കുമ്പോള്‍ ഫേസ്ബുക്ക് ജീവികള്‍ പോര് മൂപ്പിക്കാന്‍ വേണ്ട എണ്ണ ഒഴിച്ചു കൊടുത്ത് കൈയ്യടിക്കുന്നു. സിനിമാപരസ്യം നിഷേധിക്കപ്പെട്ട മാദ്ധ്യമങ്ങള്‍ കിട്ടിയ അവസരം മുതലാക്കി എല്ലാം ഭസ്മമാക്കാന്‍ ഉറഞ്ഞു തുള്ളുന്നു. ഇവരെല്ലാം മനസ്‌സിലാക്കേണ്ട ഒരു കാര്യമുണ്ട്: ചുമരുണ്ടെങ്കിലേ ചിത്രമെഴുതാന്‍ കഴിയൂ. ജൂണ്‍ 30വരെ 92 സിനിമകള്‍ തിയേറ്ററിലെത്തിയപ്പോള്‍ 15% സിനിമകള്‍ക്ക് പോലും വിജയം നേടാന്‍ കഴിഞ്ഞില്ല. താരമൂല്യമില്ലെങ്കിലും മികച്ച സിനിമകള്‍ പ്രേക്ഷകര്‍ ഇരുകൈയ്യുംനീട്ടി സ്വീകരിക്കുന്ന സാഹചര്യം ഇവിടെയുണ്ട്. മികച്ച സാങ്കേതിക നിലവാരമുള്ള തിയേറ്ററുകളും മള്‍ട്ടിപ്‌ളക്‌സുകളുമുണ്ട്. പ്രേക്ഷകരെ തിയേറ്ററുകളിലേക്ക് ആകര്‍ഷിക്കാന്‍ വേണ്ട അടിസ്ഥാന സൗകര്യങ്ങളും പ്രചരണ മാര്‍ഗ്ഗങ്ങളുമുണ്ട്. എന്നാല്‍ ഈ അനുകൂല സാഹചര്യത്തെ വ്യവസ്യായത്തിന് അനുകൂലമായി മാറ്റുന്നതില്‍ സിനിമാക്കാര്‍ ഒന്നടങ്കം പരാജയപ്പെടുകയാണ്. സര്‍ഗ്ഗാത്മകമായ ആവിഷ്‌കാരത്തിനായി കലഹിക്കുന്നവരായിരിക്കണം ആത്യന്തികമായി കലാകാരമാര്‍. ആക്ടിവിസവും വിവാദ വ്യവസായവും കലഹം സൃഷ്ടിക്കലും മുന്‍വിധിയുടെ തടവുകാരായി കഴിയുന്ന, പ്രത്യേകിച്ച് പണിയൊന്നുമില്ലാത്തവരുടെ ജീവനോപാധിയാണ്. കലാപ്രവര്‍ത്തര്‍ അവരുടെ ഇരകളാകരുത്. തീര്‍ച്ചയായും സര്‍ഗ്ഗാത്മക ഇടങ്ങളില്‍ നീതിയും അവകാശങ്ങളും ഉറപ്പുവരുത്തണം. ചൂഷണം ഒഴിവാക്കണം. അതിനുവേണ്ടിയുളള സംഘടനാ പ്രവര്‍ത്തനവും ക്ഷേമപ്രവര്‍ത്തനങ്ങളും അംഗീകരിക്കപ്പെടാവുന്നതാണ്. അതിനപ്പുറം പോയാല്‍ ആപത്താണ്. എതിരാളികളുടെ സിനിമകള്‍ പരാജയപ്പെടുത്താന്‍ സൈബര്‍ ഒളിയിടങ്ങളിലിരുന്ന് സോഷ്യല്‍മീഡിയയെ ഉപയോഗിക്കുന്നവരെയും പരസ്യതാത്പര്യം സംരക്ഷിക്കാന്‍ സിനിമാക്കാരെ ഒരു കൈകൊണ്ട് തല്ലുകയും മറുകൈക്കൊണ്ട് തലോടുകയും ചെയ്യുന്ന ചാനലുകളെയും നിയന്ത്രിക്കാന്‍ ആര്‍ക്കും കഴിയില്ല. അവരെ അവരുടെ വഴിക്ക് വിടുക; എന്നിട്ട് സ്വന്തം ജോലിയില്‍ ശ്രദ്ധ യൂന്നിയാല്‍ അന്നം മുടങ്ങില്ല; ഒരു കൊല്ലം സിനിമയില്ലാതായാല്‍ ഇവരാരും മോഹന്‍ലാലിനെപ്പോലും തിരിഞ്ഞു നോക്കില്ല.

VIDEO BUZZ

 
BOX OFFICE
സിനിമ ദിവസം തിയേറ്റർ ഗ്രോസ്
Copyright @vellinakshatram.com. Designed & Powered by INTUISYZ All rights reserved.