ഇത് നമ്മുടെ ശ്രീവിദ്യ അല്ല്യോ ?

മലയാളികളുടെ പ്രിയപ്പെട്ട നടി ശ്രീ വിദ്യയുടെ ലുക്കിൽ നടി ആശാ അരവിന്ദ്. കേരള സ്റ്റേറ്റ് ഫിലിം ഡെവലപ്‌മെന്റ് കോർപ്പറേഷൻ (കെ. എസ്. എഫ്. ഡി. സി.) നിർമ്മിക്കുന്ന 'പ്രളയശേഷം ഒരു ജലകന്യക' യുടെ ഫസ്റ്റ് ലുക്ക് പോസ്റ്ററിൽ ആണ് ശ്രീവിദ്യയുടെ ലുക്കിൽ ആശാ അരവിന്ദ് എത്തിയത്. ജീവിതം ഒരു ഗാനം എന്ന 1979ൽ റിലീസായ ചിത്രത്തിൽ ത്രെസിയമ്മ എന്ന കഥാപാത്രമായി ശ്രീവിദ്യ അഭിനയിച്ചിരുന്നു. ചട്ടയും മുണ്ടും ആയിരുന്നു ചിത്രത്തിലെ ശ്രീവിദ്യയുടെ വേഷം. കൗതുകം എന്ന് പറയട്ടെ ഇതേ ലൂക്ക് അനുസ്മരിക്കുന്ന രീതിയിൽ ആണ് നടി ആശാ അരവിന്ദ് ചിത്രത്തിൽ പോസ്റ്ററിൽ പ്രത്യക്ഷപ്പെടുന്നത്. ഫസ്റ്റ് ലുക്ക് പോസ്റ്ററിന് പിന്നാലെ സാമൂഹ്യ മാധ്യമങ്ങളിൽ ഈ ചിത്രം വൈറലാകുകയാണ്.

മനോജ് കുമാറാണ് ഈ ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത്.‘പ്രളയ ശേഷം ഒരു ജലകന്യക’ യുടെ ഫസ്റ്റ് ലുക്ക് പോസ്റ്ററിലൂടെ ചിത്രത്തിലെ പ്രധാന കഥാപാത്രങ്ങളെ പരിചയപ്പെടുത്തുന്നതിനോടൊപ്പം തന്നെ ഒരു അതിജീവനത്തിന്റെ കഥയാണ് ചിത്രത്തിന്റെ പ്രമേയം എന്ന സൂചനയും തരുന്നു. ചിത്രത്തിന്റെ തിരക്കഥയും സംഭാഷണവും മനോജ് കുമാറും നവാസ് സുൽത്താനും ചേർന്നാണ് നിർവഹിച്ചിരിക്കുന്നത്.

ആശ അരവിന്ദ്, ഗോകുലൻ എം എസ്, രഞ്ജിത്ത് ലളിതം, അനഘ മരിയ വർഗ്ഗീസ്, ഗ്ലോറിയ ഷാജി, അർജുൻ അമ്പാട്ട്, പ്രിയ, കരുണ, ശൈബിൻ കെ പി, ആനി ജോർജ്, വിനോദ് കുമാർ സി എസ്, തകഴി രാജശേഖരൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.

ഹരികൃഷ്ണൻ ലോഹിതദാസ് ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന്റെ എഡിറ്റിംഗ് മെന്റോസ് ആന്റണിയാണ് കൈകാര്യം ചെയ്തിരിക്കുന്നത്. വിജയ് ജേക്കബ്ബാണ് ഈ ചിത്രത്തിന്റെ സംഗീതം സംവിധാനം. സന്തോഷ് വർമ്മ, അജീഷ് ദാസൻ, വിജയ് ജേക്കബ് എന്നിവർ ചേർന്നാണ് ചിത്രത്തിന്റെ ഗാനങ്ങൾ രചിച്ചത്. കമാർക്കറ്റിംഗും കമ്യൂണിക്കേഷനും കൈകാര്യം ചെയ്യുന്നത് ഡോ.സംഗീത ജനചന്ദ്രനാണ് (സ്റ്റോറീസ് സോഷ്യൽ).