ആദ്യ പത്ത് മിനുട്ടിൽ തന്നെ മമ്മൂട്ടി നിരസിച്ച സിനിമ!

ചലച്ചിത്ര പ്രവർത്തകർക്ക് 2025 രസകരമായ വർഷമാണ്. മമ്മൂട്ടിയുടെ ഡൊമിനിക് ആൻഡ് ദി ലേഡീസ് പേഴ്‌സ് എന്ന ചിത്രത്തിലൂടെ ഗൗതം വാസുദേവ് ​​മേനോൻ മലയാളത്തിൽ അരങ്ങേറ്റം കുറിക്കുകയാണ് . മമ്മൂട്ടി കമ്പനി നിർമ്മിക്കുന്ന ചിത്രം ജനുവരി 23-ന് തിയേറ്ററുകളിൽ എത്തും. സിനിമയുടെ റിലീസിന് മുന്നോടിയായി ഡൊമിനിക്കിൻ്റെയും ലേഡീസ് പേഴ്‌സിൻ്റെയും ഉത്ഭവത്തെക്കുറിച്ച് ഗൗതം തുറന്നുപറഞ്ഞു.

“സത്യം പറയട്ടെ, ഒരു സിബിഐ ഡയറിക്കുറിപ്പ്, ആഗസ്റ്റ് 1 തുടങ്ങിയ സിനിമകൾ കണ്ടു വളർന്ന എനിക്ക് മമ്മൂട്ടി സാറിനെ വച്ച് ഒരു സിനിമ ചെയ്യണമെന്നത് വലിയ ആഗ്രഹമായിരുന്നു . വാസ്തവത്തിൽ, 2004 ൽ ഞാൻ അദ്ദേഹത്തിന് ഒരു സിനിമയെ കുറിച്ച് ചർച്ച ചെയ്തിട്ടുണ്ട് , പക്ഷേ അത് നടന്നില്ല''.

എന്നാൽ ഇതെല്ലാം ആരംഭിച്ചത് മഞ്ജു വാര്യരിൽ നിന്നാണെന്നും ഗൗതം കൂട്ടിച്ചേർത്തു. “മഞ്ജു വാര്യരുമായി ഒരുമിച്ച് ഒരു സിനിമയിൽ പ്രവർത്തിക്കേണ്ടതായിരുന്നു താൻ . മാർട്ടിൻ പ്രക്കാട്ട് സംവിധാനം ചെയ്ത ദുൽഖർ സൽമാൻ്റെ എബിസിഡിയിൽ മുമ്പ് പ്രവർത്തിച്ച എഴുത്തുകാരായ നീരജ്, സൂരജ് എന്നിവരുമായി മഞ്ജു വാര്യർ ആണ് എന്നെ ബന്ധപ്പെടുത്തിയത്. ചർച്ച ചെയ്യുന്നതിനിടയിൽ, അവർ ഡൊമിനിക്കിനെ പറ്റി പറഞ്ഞു. ഡൊമിനിക്കിൽ മമ്മൂട്ടി സാർ അഭിനയിച്ചത് നല്ലതായിരിക്കും എന്ന് എനിക്ക് ഉറപ്പായിരുന്നു.അങ്ങനെയാണ് സാറിനോട് കഥ പറയുന്നത്''.സിനിമയുടെ ആശയം പറഞ്ഞു ആദ്യ പത്ത് മിനുട്ടിൽ തന്നെ മമ്മൂട്ടി നിരസിച്ച സിനിമയാണ് ഡൊമിനിക് എന്ന് സംവിധയാകൻ പറയുന്നു.

''ഡൊമിനിക് ഒരു അന്വേഷണത്തെ അടിസ്ഥാനമാക്കിയുള്ള സിനിമയാണെന്ന് അറിഞ്ഞ ഉടൻ തന്നെ മമ്മൂട്ടി സാർ അത് നിരസിച്ചു. അതിനു കാരണം മമ്മൂട്ടി സാർ അന്വേഷണ ചിത്രം ഒരുപാട് ചെയ്തതിനാൽ ആണ്. മാത്രമല്ല മലയാളത്തിൽ അദ്ദേഹം ഉൾപ്പെടെ സമീപകാലങ്ങളിൽ നിരവധി അന്വേഷണ ചിത്രങ്ങൾ വന്നിട്ടുണ്ടെന്നും സാർ പറഞ്ഞു.

പൂർണ്ണമായ സിനിമയുടെ കഥ കേട്ട അദ്ദേഹം വിളിക്കാം എന്ന് പറഞ്ഞിട്ടാണ് ഞങ്ങൾ മടങ്ങിയത്. പക്ഷേ, അടുത്ത ദിവസം മമ്മൂട്ടിയിൽ നിന്ന് ഒരു കോൾ വന്നു. "ഞാൻ എവിടെയാണെന്ന് അദ്ദേഹം എന്നോട് ചോദിച്ചു, ഞാൻ 'ചെന്നൈ' എന്ന് പറഞ്ഞു, സിനിമ ആരംഭിക്കാൻ കൂടാതെമമ്മൂട്ടി കമ്പനി ആയിരിക്കുമ്മ് സിനിമ നിർമ്മിക്കുമെന്ന് പങ്കുവെച്ചു. 2024 ജൂലൈയിൽ ഞങ്ങൾ ചിത്രീകരണം ആരംഭിച്ചു, ഇപ്പോൾ ചിത്രം തിയേറ്ററുകളിൽ എത്താൻ പോകുകയാണ്.'' ജി വി എം പറഞ്ഞു.

ജനുവരി 23നു റിലീസ് ചെയ്യാൻ പോകുകയാണ് ഡൊമിനിക് ആൻഡ് ദി ലേഡീസ് പേഴ്സ്. ദുൽഖർ സൽമാന്റെ ഉടമസ്ഥതയിലുള്ള വേഫേറർ ഫിലിംസ് ആണ് കേരളത്തിൽ സിനിമ വിതരണം ചെയ്യുന്നത്. ഡൊമിനിക്കിന്റെ ഡയറിക്കുറിപ്പുകൾ എന്ന തലക്കെട്ടോടെ, ചിത്രത്തിൽ മമ്മൂട്ടി അവതരിപ്പിക്കുന്ന സി ഐ ഡൊമിനിക്കിന്റെ ഡിറ്റക്റ്റീവ് ഡയറിയിലെ വിവരങ്ങളുടെ ഫോർമാറ്റിൽ റിലീസ് ചെയ്യുന്ന ഈ സിനിമയിലെ ക്യാരക്ടർ പോസ്റ്ററുകൾക്ക് മികച്ച ശ്രദ്ധയാണ് സമൂഹ മാധ്യമങ്ങളിൽ നിന്നും ലഭിക്കുന്നത്.ആദ്യാവസാനം രസകരമായി കഥ പറയുന്ന ഒരു കോമഡി ഇൻവെസ്റ്റിഗേഷൻ ത്രില്ലറായിരിക്കും ഈ ചിത്രമെന്ന സൂചനയാണ് ഇതിന്റെ ട്രൈലെർ നൽകിയത്.