ഇനി കുറച്ച് റൊമാൻസാകാം 'ഒരു വടക്കൻ തേരോട്ടം' ഫസ്റ്റ് ലുക്ക് പുറത്ത്.
തികച്ചും പ്രണയാർദ്രമായ മൂഡിൽ പ്രിയതാരം ധ്യാൻ ശ്രീനിവാസനും പുതുമുഖ നായിക ദിൽന രാമകൃഷ്ണൻ്റേയും ചിത്രം 'ഒരു വടക്കൻ തേരോട്ടം' ഫസ്റ്റ് ലുക്ക് പുറത്തുവിട്ടു. തികച്ചും ഫാമിലി എൻ്റെർടൈൻമെൻ്റിൻ്റെ മൂഡ് നൽകിക്കൊണ്ടാണ് പോസ്റ്റർ പുറത്തുവിട്ടിരിക്കുന്നത്. ഏ. ആർ. ബിനുൻരാജ് സംവിധാനം ചെയ്യുന്ന ചിത്രം ഓപ്പൺ ആർട്ട് ക്രിയേഷൻസിൻ്റെ ബാനറിലാണ് നിർമ്മിക്കുന്നത്. മലബാറിലെ ഒരു സാധാരണ ഗ്രാമത്തിൻ്റെ ഉൾത്തുടിപ്പുകളോടെ അവതരിപ്പിക്കുന്ന ഈ ചിത്രം നമ്മുടെ സമുഹത്തിലെ യുവാക്കൾ നേരിടുന്ന വലിയ പ്രതിസന്ധികളെക്കുറിച്ച് ചർച്ച ചെയ്യപ്പെടുന്ന ചിത്രം കൂടിയാണ്.
വൈറ്റ് കോളർ ജോലി മാത്രം പ്രതീക്ഷിക്കുന്ന അഭ്യസ്തവിദ്യരായ ചെറുപ്പക്കാരുടെ ഇടയിലേക്ക് ഏതു തൊഴിലു ചെയ്തും ജീവിതത്തെ നേരിടാം എന്ന ദൃഢനിശ്ചയത്തോടെ ഇറങ്ങിത്തിരിക്കുന്ന നന്ദൻ നാരായണൻ എന്ന യുവാവിൻ്റെ ജീവിതത്തിലൂടെയാണ് ജീവിതഗന്ധിയായ മുഹൂർത്തങ്ങളിലൂടെ ഈ ചിത്രത്തിൻ്റെ അവതരണം.
പ്രണയത്തിനും കുടുംബ ബന്ധങ്ങൾക്കും ഏറെ പ്രാധാന്യം നൽകാനും ഈ ചിത്രം ശ്രമിക്കുന്നുണ്ട്.ധ്യാനിനെ കൂടാതെ തെന്നിന്ത്യൻ താരങ്ങളായ ആനന്ദ്, രാജ് കപൂർ എന്നിവരും ചിത്രത്തിൻ്റെ ഭാഗമാകുന്നു. പുതു മുഖ നായികയായി
ദിൽന രാമകൃഷ്ണനോടൊപ്പം മാളവിക മേനോനും എത്തുന്നു.
സുധീർ പറവൂർ, ധർമജൻ ബോൾഗാട്ടി, വിജയകുമാർ, സലിം ഹസൻ, ദിലീപ് മേനോൻ , കോഴിക്കോട് നാരായണൻ നായർ, രാജേഷ് കേശവ് , ജിബിൻ, ദിനേശ് പണിക്കർ, സോഹൻ സീനുലാൽ , കിരൺ കുമാർ, ബോസ് സോപാനം, കലേഷ്, ജയ് വിഷ്ണു, ജെയിൻ,മൻസു മാധവ ,അരുൺ പുനലൂർ , മധുരിമ ഉണ്ണികൃഷ്ണൻ,ബ്ലെസൻ കൊട്ടാരക്കര
കല സുബ്രഹ്മണ്യം, അംബിക മോഹൻ , പ്രിയ ശ്രീജിത്ത്, ഗീതു നായർ, സബിത, കൃഷ്ണവേണി, അർച്ചന, വിദ്യ വിശ്വനാഥ് , ദിവ്യാ ശ്രീധർ , ശീതൽ, അനില ,
തനു ദേവി എന്നിവർക്കൊപ്പം മറ്റു നിരവധി പുതുമുഖങ്ങളും അഭിനയിക്കുന്നു.കോഴിക്കോട്, വടകരയും പരിസരങ്ങളിലും, ഒറ്റപ്പാലത്തുമായി ചിത്രീകരണം പൂർത്തിയായ ചിത്രം
ഡ്രീം ബിഗ് ഫിലിംസ് ആണ് പ്രദർശനത്തിനെത്തിക്കുന്നത്.
.
ചിത്രത്തിൻറെ കഥ, തിരക്കഥ , സംഭാഷണം എന്നിവ ഒരുക്കിയിരിക്കുന്നത് സനു അശോക് ആണ്. കൈതപ്രം ദാമോദരൻ നമ്പൂതിരി, ഹസീന എസ് കാനം എന്നിവരുടെ വരികൾക്ക് സംഗീതം നൽകിയിരിക്കുന്നത് ബേണി& ടാൻ സൺ ആണ്. ഗായകർ : ഹരിശങ്കർ,
വസുദേവ് കൃഷ്ണ,നിത്യാ മേനോൻ, ശ്രീജ ദിനേശ്, ബാക് ഗ്രൗണ്ട് സ്കോർ : നവനീത്
ഛായാഗ്രഹണം പവി കെ പവൻ, എഡിറ്റിങ്ങ് : ജിതിൻ ഡി കെ , (പി ആർ ഓ) വാഴൂർ ജോസ്