അയ്യങ്കാളിയായി സിജു വിൽസൺ ; പാൻ ഇന്ത്യൻ ചിത്രം " കതിരവൻ" ഉടൻ ഷൂട്ടിംഗ് ആരംഭിക്കും
നേരത്തെ ചിത്രത്തിൽ മെഗാ സ്റ്റാർ മമ്മൂട്ടി നായകനായി എത്തുമെന്ന റിപ്പോർട്ടുകൾ ഉണ്ടായിരുന്നു

നവോത്ഥാന നായകൻ മഹാത്മാ അയ്യങ്കാളിയുടെ ജീവചരിത്രം പറയുന്ന ബിഗ് ബഡ്ജറ്റ് പാൻ ഇന്ത്യൻ മൂവി "കതിരവൻ " ഉടൻ ഷൂട്ടിംഗ് ആരംഭിക്കും.ചിത്രത്തിൽ അയ്യങ്കാളിയായി എത്തുന്നത് ആക്ഷൻ ഹീറോ സിജു വിൽസൺ.താരാ പ്രൊഡക്ഷൻസിന്റെ ബാനറിൽ ജഗതമ്പി കൃഷ്ണ ചിത്രം നിർമ്മിക്കുന്നു.ആക്ഷന് അതീവ പ്രാധാന്യമുള്ള ചിത്രം താരാ പ്രൊഡക്ഷൻസിന്റെ ആദ്യ നിർമ്മാണ സംരംഭമാണ്.
ഒരു ആക്ഷൻ ഹീറോ നായകനായി എത്തുന്ന ബിഗ് ബഡ്ജറ്റ് ചിത്രങ്ങളിൽ ആദ്യത്തെതായിരിക്കും ഈ ചിത്രം. അരുൺ രാജ് സംവിധാനവും ക്യാമറയും കൈകാര്യം
ചെയ്യുന്ന ചിത്രത്തിന്റെ കഥ, തിരക്കഥ സംഭാഷണം പ്രദീപ് കെ താമരക്കുളം. ഇന്റർനാഷണൽ ഫിലിം ഫെസ്റ്റിവലിൽ മികച്ച ഛായാഗ്രഹകനുള്ള
( മെമ്മറി ഓഫ് മർഡർ) അമേരിക്കൻ പ്രിമോസ് ഗ്ലോബൽ അച്ചീവ്മെൻ്റ് അവാർഡ് നേടുന്ന ആദ്യത്തെ ഭാരതീയനും മലയാളിയുമായ അരുൺ രാജ് സംവിധാനം ചെയ്യുന്ന രണ്ടാമത്തെ ചിത്രമാണിത്.
നേരത്തെ ചിത്രത്തിൽ മെഗാ സ്റ്റാർ മമ്മൂട്ടി നായകനായി എത്തുമെന്ന റിപ്പോർട്ടുകൾ ഉണ്ടായിരുന്നു. ചിത്രത്തിന്റെ സംവിധായകൻ അരുൺ രാജ് വലിയ മമ്മൂട്ടി ആരാധകനാണ്. അതിനാൽ ചിത്രത്തിൽ മമ്മൂട്ടി അയ്യങ്കാളിയായി അഭിനയിക്കണം എന്ന ആഗ്രഹം അരുൺ രാജ് പ്രകടിപ്പിച്ചിരുന്നു. ഇതേ തുടർന്ന് മമ്മൂട്ടി അയ്യങ്കാളിയായി എത്തുന്ന പോസ്റ്ററുകൾ ആരാധകർ നിർമ്മിക്കുകയൂം അഭ്യൂഹങ്ങൾ ഉണ്ടാകുകയും ചെയ്തിരുന്നു. എന്നാൽ താരം ഈ കാര്യം ഔദ്യോഗികമായി സ്ഥിതികരിച്ചിട്ടില്ലായിരുന്നു.
"എഡ്വിന്റെ നാമം" എന്ന ചിത്രമാണ് ഇതിനു മുൻപ് സംവിധാനം ചെയ്ത "വെൽക്കം ടു പാണ്ടിമല" എന്ന ചിത്രത്തിന്റെ ഛായാഗ്രാഹകനും അരുൺരാജായിരുന്നു.ഉടൻ ചിത്രീകരണം ആരംഭിക്കുന്ന ബിഗ് ബഡ്ജറ്റ് ചിത്രം കതിരവന്റെ സംഗീതം ഒരുക്കുന്നത് ബിജിബാൽ. ലിറിക്സ് ഹരിനാരായണൻ, സത്യൻ കോമേരി. പി ആർ ഓ മഞ്ജു ഗോപിനാഥ്.