ഒറ്റക്കൊമ്പന്‍ രണ്ടാം ഘട്ട ചിത്രീകരണം ആരംഭിച്ചു
ജൂണ്‍ അവസാനം വരെ നീണ്ടുനില്‍ക്കുന്ന ചിത്രീകരണമാണ് തൊടുപുഴ,പാലാ, ഭരണങ്ങാനം, ഈരാറ്റുപേട്ട ഭാഗങ്ങളിലായി ചാര്‍ട്ടു ചെയ്തിരിക്കുന്നത്.
ശ്രീ ഗോകുലം മൂവീസിന്റെ ബാനറില്‍ ശ്രീ ഗോകുലം ഗോപാലന്‍ നിര്‍മ്മിച്ച് മാത്യൂസ് തോമസ് സംവിധാനം ചെയ്യുന്ന ഒറ്റക്കൊമ്പന്‍ എന്ന ചിത്രത്തിന്റെ രണ്ടാം ഘട്ട ചിത്രീകരണം ഏപ്രില്‍ ഇരുപത്തിയൊന്ന് തിങ്കളാഴ്ച്ച തൊടുപുഴയില്‍ ആരംഭിച്ചു. അറക്കുളം ശ്രീധര്‍മ്മശാസ്താ ,ശ്രീ മഹാദേവ ക്ഷേത്രത്തില്‍ സുരേഷ് ഗോപി, പൂജപ്പുര രാധാകൃഷ്ണന്‍, വഞ്ചിയൂര്‍ പ്രവീണ്‍, ഗോപന്‍ ഗുരുവായൂര്‍,രാജ് മോഹന്‍ എന്നിവരും നിരവധിജൂനിയര്‍ കലാകാരന്മാരും പങ്കെടുക്കുന്ന രംഗമായിരുന്നു ചിത്രീകരിച്ചു തുടങ്ങിയത്.
ജനുവരിയില്‍ ആദ്യ ഘട്ട ചിത്രീകരണം തിരുവനന്തപുരത്ത് പൂര്‍ത്തിയാക്കിയിരുന്നു ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്ന സുരേഷ് ഗോപിയുടെ കേന്ദ്ര മന്ത്രി എന്ന നിലയിലുള്ള ഔദ്യോഗിക തിരക്കും വിഷു- ഈസ്റ്റര്‍ ആഘോഷങ്ങളുടെ തിരക്കും കഴിഞ്ഞാണ് രണ്ടാംഘട്ട ചിത്രീകരണം ആരംഭിച്ചിരിക്കുന്നത്.
ജൂണ്‍ അവസാനം വരെ നീണ്ടുനില്‍ക്കുന്ന ചിത്രീകരണമാണ് തൊടുപുഴ,പാലാ, ഭരണങ്ങാനം, ഈരാറ്റുപേട്ട ഭാഗങ്ങളിലായി ചാര്‍ട്ടു ചെയ്തിരിക്കുന്നത്.
പിന്നീട് മലേഷ്യാ, മക്കൗ എന്നിവിടങ്ങളില്‍ സിനിമയുടെ ചിത്രീകരണം ഉണ്ടാകും, ശ്രീ സുരേഷ് ഗോപിയുടെ ഔദ്യോഗിക തിരക്കുകള്‍ക്കിടയില്‍ ലഭ്യമാകുന്ന ഡേറ്റിനനുസരിച്ചു എത്രയും വേഗം ചിത്രീകരണം പൂര്‍ത്തിയാക്കുമെന്ന് എക്‌സിക്യൂട്ടീവ് പ്രൊഡ്യൂസര്‍ - കൃഷ്ണമൂര്‍ത്തി അറിയിച്ചു.
മീനച്ചില്‍ താലൂക്കില്‍ ബിസിനസ് ,സാമൂഹ്യ, ആധ്യാത്മിക രാഷ്ട്രീയ സാംസ്‌ക്കാരിക രംഗങ്ങളില്‍ നിറഞ്ഞുനിന്നിരുന്ന കടുവാക്കുന്നേല്‍ കുറുവച്ചന്‍ എന്ന ഒറ്റക്കൊമ്പന്റെ ജീവിതമാണ് സിനിമയിലൂടെ അവതരിപ്പിക്കുന്നത്.
: പുതിയ കാലഘട്ടത്തിന്റെ മാറ്റങ്ങള്‍ ഏറെ ഉള്‍ക്കൊണ്ടു കൊണ്ടാണ് കടുവാക്കുന്നേല്‍ കുറുവച്ചന്‍ എന്ന കഥപാത്രത്തെ അവതരിപ്പിക്കുന്നത്. വേഷത്തിലും, രൂപത്തിലുമെല്ലാം ഈ പുതുമ നിലനിര്‍ത്തിയിട്ടുണ്ട്.
മധ്യതിരുവതാംകൂറിന്റെ സാമൂഹ്യ, രാഷ്ട്രീയ, കച്ചവട രംഗങ്ങളുടെ ഒരു നേര്‍ക്കാഴ്ചയും ഈ ചിത്രത്തിലൂടെ കാട്ടിത്തരുന്നുണ്ട്..
സുരേഷ് ഗോപി കടുവാക്കുന്നേല്‍ കുറുവച്ചനെ ഏറെ ഭദ്രമാക്കുമ്പോള്‍ ബോളിവുഡ്ഡില്‍ നിന്നുള്‍പ്പടെ വലിയൊരു സംഘം അഭിനേതാക്കള്‍ ഈ ചിത്രത്തില്‍ അണിനിരക്കുന്നുണ്ട്.
ഇന്ദ്രജിത്ത്‌സുകുമാരന്‍, ചെമ്പന്‍ വിനോദ്, ലാലു അലക്‌സ് വിജയരാഘവന്‍, ജോണി ആന്റെണി ,ബിജു പപ്പന്‍, മേഘനാ രാജ്, പുന്നപ്ര അപ്പച്ചന്‍ എന്നിവര്‍ അക്കൂട്ടത്തിലെ പ്രധാനികളാണ്.
മാര്‍ക്കോ ഫെയിം കബീര്‍ദുഹാന്‍ സിംഗ് ഈ ചിത്രത്തില മറ്റൊരു പ്രധാന കഥാപാത്രത്തെ അവതരിപ്പിക്കുന്നു.
എഴുപതില്‍പ്പരം അഭിനേതാക്കളുടെ സാന്നിദ്ധ്യം ഈ ചിത്രത്തിലുണ്ട്.
ബോളിവുഡ്ഡിലെ ഒരു പ്രശസ്ത നടിയായിരിക്കും ഈ ചിത്രത്തിലെ നായിക.
വലിയ മുതല്‍മുടക്കില്‍ വലിയ ജനപങ്കാളിത്തത്തോടെ , ഒരു മാസ് ചിത്രമായിട്ടാണ് ഈ ചിത്രത്തിന്റെ അവതരണം.'
ഷിബിന്‍ ഫ്രാന്‍സിസിന്റേതാണു തിരക്കഥ'.
ഗാനങ്ങള്‍- വിനായക് ശശികുമാര്‍.
സംഗീതം - ഹര്‍ഷവര്‍ദ്ധന്‍ രാമേശ്വര്‍
ഛായാഗ്രഹണം - ഷാജികുമാര്‍.
എഡിറ്റിംഗ് - ഷഫീഖ് വി.ബി
കലാസംവിധാനം - ഗോകുല്‍ ദാസ്.
മേക്കപ്പ് - റോണക്‌സ് സേവ്യര്‍.
കോസ്റ്റും - ഡിസൈന്‍ അനിഷ് തൊടുപുഴ., അക്ഷയ പ്രേംനാഥ് (സുരേഷ് ഗോപി)
ക്രിയേറ്റീവ് ഡയറക്ടര്‍ - സുധീര്‍ മാഡിസണ്‍.
കാസ്റ്റിംഗ് ഡയറക്ടര്‍ - ബിനോയ് നമ്പാല .
ചീഫ് അസ്സോസ്സിയേറ്റ് ഡയറക്ടേര്‍സ് - കെ.ജെ. വിനയന്‍., ദീപക് നാരായണന്‍
കോ-പ്രൊഡ്യൂസേര്‍സ് - വി.സി. പ്രവീണ്‍ ബൈജു ഗോപാലന്‍.
എക്‌സിക്കുട്ടീവ് പ്രൊഡ്യൂസര്‍ - കൃഷ്ണമൂര്‍ത്തി.
പ്രൊഡക്ഷന്‍ എക്‌സിക്യൂട്ടീവ്‌സ് - നന്ദു പൊതുവാള്‍, ബാബുരാജ് മനിശ്ശേരി.
പ്രൊഡക്ഷന്‍ കണ്‍ട്രോളര്‍ - സിദ്ദു പനക്കല്‍.
വാഴൂര്‍ ജോസ്.