ലോകമെമ്പാടും ചർച്ച ചെയ്യപ്പെടുന്ന സിനിമ ; എന്നാൽ താൻ ദുഃഖിതനാണ് : റിയാസ് ഖാൻ

ഉണ്ണി മുകുന്ദൻ്റെ ഹിറ്റ് ചിത്രമാണ് മാർക്കോ. പാൻ ഇന്ത്യൻ റെക്കോർഡ് ഉണ്ടാക്കിയ മാർക്കോയുടെ വിജയത്തിന് ശേഷം ബോളിവുഡിലേയ്ക്ക് അരങ്ങേറ്റം നടത്താൻ ഒരുങ്ങുകയാണ് ഉണ്ണി മുകുന്ദൻ. ഇതിനിടയിൽ ചിത്രത്തിലെ ഒരു സുപ്രധാന വേഷം ചെയ്തിട്ടും ഒഴിവാക്കപ്പെട്ടതിന്റെ വെഷമം പങ്കുവെച്ചിരിക്കുകയാണ് റിയാസ് ഖാൻ.

സിനിമയുടെ അവസാന ഡ്രാഫ്റ്റിൽ നിന്ന് തൻ്റെ വേഷം എങ്ങനെ ഒഴിവാക്കപ്പെട്ടു എന്നതിനെക്കുറിച്ചു റിയാസ് ഖാൻ ഒരു അഭിമുഖത്തിൽ പങ്കുവെച്ചിരിക്കുകയാണ്.

ചിത്രത്തിലെ ഉണ്ണി മുകുന്ദന്റെ കഥാപാത്രമായ മാർക്കോയുമായി തനിക്ക് നേരിട്ട് ഒരു പ്രധാന ഫൈറ്റ് സീക്വൻസ് ഉണ്ടെന്ന് റിയാസ് ഖാൻ പറയുന്നു.അതിൻ്റെ ദൃശ്യങ്ങൾ ഇതിനകം സോഷ്യൽ മീഡിയയിലുടനീളം കുറച്ചു പ്രദർശിപ്പിച്ചിരുന്നു.

''മാർക്കോയുടെ ഷൂട്ടിങ്ങിനിടെ ഞാനും ഉണ്ണി മുകുന്ദനും തമ്മിൽ വഴക്കുണ്ടായെന്നും അത് ചിത്രീകരിച്ചെന്നും റിയാസ് ഖാൻ പറഞ്ഞു. നല്ല റീച്ച് കിട്ടി. ആ വീഡിയോ കാണുമ്പോൾ അറിയാം ഞാനും ഉണ്ണി മുകുന്ദനും വളരെ അടുത്താണെന്ന്. നിങ്ങൾ കണ്ട രൂപം ഞാൻ മാർക്കോയ്ക്ക് വേണ്ടി കണ്ടതുപോലെ ഒന്നുമല്ല. ഞാനും ഉണ്ണിയും വളരെ വ്യത്യസ്തമായ ഒരു മേക്ക് ഓവറായിരുന്നു. ബ്ലാക്ക് ആൻഡ് ബ്ലാക്ക് സ്യൂട്ട് ഗെറ്റപ്പായിരുന്നില്ല അത്. വേറിട്ട ഗെറ്റപ്പ് ആയിരുന്നു ഈ രംഗത്തിൽ ഉണ്ണി മുകുന്ദന്. ചിത്രത്തിന്റെ സെൻസറിങ്ങിൽ ഈ രംഗങ്ങൾ ഒഴിവാകുകയായിരുന്നു''. റിയാസ് ഖാൻ പങ്കുവെച്ചു

അതേസമയം, മാർക്കോയുടെ റിലീസിനുശേഷം, ചലച്ചിത്ര സംവിധായകൻ ഹനീഫ് അദേനി ആ രംഗങ്ങൾ ഒഴിവാക്കിയതിന്റെ കാരണം തന്നോട് വെളിപ്പെടുത്തിയതായി റിയാസ് ഖാൻ പറയുന്നു. എന്നാൽ ഇത് മനപ്പൂർവ്വം എടുത്ത തീരുമാനമല്ലെന്നും സംവിധായകൻ കൂട്ടിച്ചേർത്തു.

നിർമ്മാതാക്കളുടെ തീരുമാനത്തെ മാനിക്കുന്നുണ്ടെങ്കിലും ഒരു നടനെന്ന നിലയിൽ മാർക്കോ അത്തരമൊരു ഹിറ്റ് ചിത്രമായി മാറിയതിന് ശേഷം താൻ ദുഃഖിതനാണെന്നും റിയാസ് ഖാൻ വ്യക്തമാക്കി.

''ഒരു നടനെന്ന നിലയിൽ എനിക്ക് സങ്കടമുണ്ട്, ഒരു ഹിറ്റ് സിനിമയിൽ നിന്ന് പുറത്തായത് അതിലും സങ്കടകരമാണ്. ലോകമെമ്പാടും ചർച്ച ചെയ്യപ്പെടുന്ന ഒരു സിനിമയിലാണ് ഞാൻ, പക്ഷേ ഇല്ല.'' റിയാസ് ഖാൻ പറഞ്ഞു.