ഈ പരിക്ക് കാലിന് ഭാഗിക പക്ഷാഘാതം ഉണ്ടാക്കി;സിനിമയിലേക്ക് തിരിച്ചുവരവ് നടത്താൻ താല്പര്യമില്ലായിരുന്നു:അരവിന്ദ് സ്വാമി

കാർത്തിയ്‌ക്കൊപ്പമുള്ള തൻ്റെ പുതിയ ചിത്രമായ മെയ്യഴകൻ്റെ വിജയത്തിന്റെ സന്തോഷത്തിലാണ് നടൻ അരവിന്ദ് സ്വാമി . ചിത്രവുമായി ബന്ധപ്പെട്ട അഭിമുഖത്തിൽ അരവിന്ദ് സ്വാമി തനിക്ക് സംഭവിച്ച ഒരു ദാരുണമായ സംഭവത്തെക്കുറിച്ച് തുറന്നുപറയുക ഉണ്ടായി. നട്ടെല്ലിന് ഗുരുതരമായി പരിക്കേറ്റതിനെക്കുറിച്ചുള്ള വിശദാംശങ്ങലാണ് താരം പങ്കുവെച്ചത്. ഇത് രണ്ട് വർഷത്തോളം തന്നെ കിടപ്പിലാക്കി എന്നും താരം പറയുന്നു.നിർഭാഗ്യകരമായ ഈ സംഭവത്തെക്കുറിച്ച് ഗൾഫ് ന്യൂസിനോട് സംസാരിച്ച അരവിന്ദ് സ്വാമി, താൻ 13 വർഷമായി ഒരു സിനിമ ചെയ്തിട്ടില്ലെന്നും തിരിച്ചുവരവ് നടത്താൻ പദ്ധതിയില്ലായിരുന്നെന്നും വിശദീകരിച്ചു. എന്നാൽ മണിരത്നത്തിൽ നിന്ന് അപ്രതീക്ഷിതമായി ലഭിച്ച അവസരം അദ്ദേഹത്തെ അഭിനയത്തിലേക്ക് തിരിച്ചുവരാൻ പ്രേരിപ്പിച്ചു. ആളുകൾ തങ്ങളുടെ കഴിവുകളെ സംശയിക്കുമ്പോൾ, അത് ഏറ്റെടുക്കേണ്ട ഒരു വെല്ലുവിളിയായി ചെയ്യണമെന്നും അദ്ദേഹം പങ്കുവെച്ചു. അലൈപായുതേയിലെ തൻ്റെ അതിഥി വേഷത്തിനും കടലിലെ തൻ്റെ വേഷത്തിനും ഇടയിലുള്ള സമയത്തെക്കുറിച്ച് ആണ് അരവിന്ദ് സ്വാമി പറഞ്ഞത്. നട്ടെല്ലിന് ഗുരുതരമായി പരിക്കേറ്റത് ഉൾപ്പെടെ നിരവധി കാര്യങ്ങൾ സംഭവിച്ചിട്ടുണ്ടെന്ന് അദ്ദേഹം വെളിപ്പെടുത്തി. ഈ പരിക്ക് കാലിന് ഭാഗിക പക്ഷാഘാതം പോലും ഉണ്ടാക്കി.“ഞാൻ എൻ്റെ കിടക്കയിൽ നിന്ന് എഴുന്നേൽക്കുന്നത് മുതൽ കുളിക്കുന്ന സമയം വരെ എനിക്ക് കഠിനമായ വേദന അനുഭവപ്പെടും. നിങ്ങൾ കിടക്കയിൽ നിന്ന് എഴുന്നേൽക്കുന്നത് നിസ്സാരമായി തോന്നാം. എന്നാൽ നിങ്ങളുടെ കൈകാലുകളുടെ പൂർണ്ണ നിയന്ത്രണം നിങ്ങൾക്ക് ഇല്ലെങ്കിൽ, അത് നിങ്ങൾക്ക് തികച്ചും വേറെ ഒരു തലത്തിലേക്ക് എത്തിക്കും." അരവിന്ദ് സ്വാമി പറയുന്നു.ജൂനിയർ എൻടിആറിൻ്റെ ദേവര: ഭാഗം 1-മായി ഏറ്റുമുട്ടി 2024 സെപ്റ്റംബർ 27-ന് പുറത്തിറങ്ങിയ ചിത്രമാണ് മെയ്യഴകൻ. പ്രേം കുമാർ സി സംവിധാനം ചെയ്ത ഫാമിലി ഡ്രാമ പരസ്‌പരം ശത്രുക്കളായി വളരുന്ന രണ്ട് കസിൻസിൻ്റെ ജീവിതത്തെ ചുറ്റിപ്പറ്റിയാണ്. കൂടാതെ, അനുഭവ് സിൻഹയുടെ നെറ്റ്ഫ്ലിക്സ് സീരീസ് ഐസി 814: ദി കാണ്ഡഹാർ ഹൈജാക്കിലും താരം ഒരു സഹകഥാപാത്രത്തെ അവതരിപ്പിച്ചു.