അറുപിശുക്കൻ ഔസേപ്പായി വിജയരാഘവൻ എത്തുന്നു.. ഔസേപ്പിന്റെ ഒസ്യത്ത് മാർച്ച് ഏഴിന് തിയറ്ററിൽ

മെഗൂർ ഫിലിംസിൻ്റെ ബാനറിൽ എഡ്വേർഡ് ആൻ്റെണി നിർമ്മിക്കുന്ന ഔസേപ്പന്റെ ഒസ്യത്തിൽ എൺപതുകാരനായ ഔസേപ്പിനെ അനശ്വരമാക്കുകയാണ് വിജയരാഘവൻ.

നവാഗതനായ ശരത്ചന്ദ്രനാണ് ചിത്രം സംവിധാനം ചെയ്യുന്നത്. ഇതിനകം തന്നെ നിരവധി ആഡ് ഫിലിമുകൾ ഒരുക്കി ശ്രദ്ധ നേടിക്കൊണ്ടാണ് ശരത് ചന്ദ്രൻ, തൻ്റെ ആദ്യ ഫീച്ചർ ഫിലിം ഒരുക്കുന്നത്. മലമുകളിൽ കാടിനോടും, മൃഗങ്ങളോടും മല്ലടിച്ചും മണ്ണിൽ പൊന്നുവിളയിച്ചും പണം പലിശക്കു കൊടുത്തും സമ്പന്നനായ അറുപിശുക്കനായ ഔസേപ്പിനെയാണ് ചിത്രത്തിൽ വിജയരാഘവൻ അവതരിപ്പിക്കുന്നത്.

ഔസേപ്പിന്റെ മൂന്നാൺമക്കളിൽ മൂത്ത രണ്ടു പേരും ഉന്നത പദവികളിൽ. മക്കൾക്കൊക്കെ സമ്പാദ്യം നൽകിയിട്ടുണ്ടങ്കിലും എല്ലാത്തിന്റെയും നിയന്ത്രണം തൻ്റെ കൈകളിൽത്തന്നെ സൂക്ഷിക്കുകയാണ് ഔസേപ്പ്. ഔസേപ്പിന്റെ കുടുംബത്തിനുള്ളിൽ ചില അന്തർ നാടകങ്ങൾ അരങ്ങേറുന്നു ചാരം മൂടിക്കിടക്കുന്ന കനൽക്കട്ടപോലെ സംഘർഷാഭരിതമായി ഒസേപ്പിൻ്റെ തറവാട് മാറുന്നു. ആ സംഘർഷത്തിൻ്റെ ചുരുളുകൾ നിവർത്തുമ്പോൾ തെളിയുന്നതെണ്ടെന്നുള്ളതാണ് പ്രേക്ഷകന്റെ ആകാംഷ വളർത്തുന്നത്. മനസ്സിൽ നൊമ്പരത്തിൻ്റെ മുറിപ്പാടുമായി ഒരു കുടുംബത്തിൻ്റെ കഥ പറയുന്ന ചിത്രമാണ് ഔസേപ്പിൻ്റ ഒസ്യത്ത് .

കലാഭവൻ ഷാജോൺ, ദിലീഷ് പോത്തൻ, ഹേമന്ത് മേനോൻ, ജോജി.കെ. ജോൺ, ലെന, അപ്പുണ്ണി ശശി, ജയിംസ് എല്യാ,കനി കുസൃതി, സെറിൻ ഷിഹാബ്,അഞ്ജലി കൃഷ്ണ, സജാദ് ബ്രൈറ്റ്, ശ്രീരാഗ്, ചാരു ചന്ദന,ജോർഡി പൂഞ്ഞാർ, എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. കുട്ടിക്കാനം, പീരുമേട്, കൊച്ചി എന്നിവിടങ്ങളിലയാണ് ചിത്രത്തിൻറെ ഷൂട്ടിംഗ് പൂർത്തിയായത്. നിർമ്മാണ പ്രവർത്തനങ്ങൾ പൂർത്തിയായി വരുന്ന ഈ ചിത്രം മാർച്ച് ഏഴിന് തിയറ്ററുകളിലെത്തും.

തിരക്കഥ - ഫസൽ ഹസൻ, സംഗീതം -സുമേഷ് പരമേശ്വർ., ഛായാഗ്രഹണം -അരവിന്ദ് കണ്ണാ ബീരൻ, എഡിറ്റിംഗ്-ബി.അജിത് കുമാർ, പ്രൊഡക്ഷൻ ഡിസൈൻ- അർക്കൻ എസ്. കർമ്മ', മേക്കപ്പ് - നരസിംഹസ്വാമി, കോസ്റ്റ്യും - ഡിസൈൻ- അരുൺ മനോഹർ, ചീഫ് അസ്സോസ്സിയേറ്റ് ഡയറക്ടർ -കെ.ജെ. വിനയൻ.

(പി ആർ ഒ ) വാഴൂർ ജോസ്.