കണ്ണൂർ ഇരിട്ടിയിൽ നടന്ന യഥാർഥ സംഭവം അടിസ്ഥാനമാക്കി ഒരുങ്ങുന്ന ക്രൈം ത്രില്ലർ മൂവിക്ക് കൂർഗിൽ തുടക്കം

എം പദ്മകുമാർ ഒരുക്കുന്ന പുതിയ ക്രൈം ത്രില്ലർ ചിത്രത്തിന് കൂർഗിലെ കുശാൽ നഗറിൽ തുടക്കം കുറിച്ചു. കർണ്ണാടകയിലെ കൂർഗ് ജില്ലയിലുള്ള ബുദ്ധ കേന്ദ്രമായ ടിബറ്റൻ കോളനിയുടെ സാന്നിദ്ധ്യത്തിലൂടെ ശ്രദ്ധേയനായ വ്യക്തിയാണ് എം പദ്മകുമാർ.

യുവനടന്മാരിൽ ശ്രദ്ധേയനായ റോഷൻ മാത്യു ചിത്രത്തിലെ കേന്ദ്ര കഥാപാത്രമായ എസ്.ഐ. അജീബിനെ അവതരിപ്പിക്കുമ്പോൾ ഏഷ്യാനെറ്റ് 'കോമഡി ഷോയിലെ അവതാരികയായും,കിസ്മത്ത്, എന്ന ചിത്രത്തിലെ നായികയുമായി തിളങ്ങിയ ശ്രുതി മേനോനാണ് ഈ ചിത്രത്തിലെ നായികയായെത്തുന്നത്.

ഈ ചിത്രം രണ്ടായിരത്തി പതിനേഴിൽ കണ്ണൂർ ഇരിട്ടിയിൽ നടന്ന ഒരു യഥാർത്ഥ സംഭവത്തെ ആസ്പദമാക്കിയാണ് ചിത്രം ഒരുക്കുന്നത്. അന്ന് ഈ കേസ് അന്വേഷിച്ച പൊലീസ് ഉദ്യോഗസ്ഥനായ അൻഷാദാണ് ചിത്രത്തിന് ഫസ്റ്റ് ക്ലാപ്പ് നൽകിയത്. നിലവിൽ മുക്കം പൊലീസ് സർക്കിൾ ഇൻസ്പക്ടർ ആണ് അൻഷാദ്. ഇലവിഴാ പൂഞ്ചിറ എന്ന ചിത്രത്തിന് തിരക്കഥ ഒരുക്കിയ ഷാജി മാറാടാണ് അർഷാദിന്റെ മൂലകഥയിൽ നിന്നും ചിത്രത്തിൻ്റെ തിരക്കഥ ഒരുക്കിയിരിക്കുന്നത്. പൂർണ്ണമായും റിയലിസ്റ്റിക്ക് ക്രൈം ത്രില്ലർ മൂഡിലാണ് ഈ ചിത്രത്തിൻ്റെ അവതരണം. തുടക്കം മുതൽ തികഞ്ഞ ഉദ്വേഗം നിലനിർത്തിക്കൊണ്ടുള്ള അവതരണത്തിനൊപ്പം ഇമോഷനും ഏറെ പ്രാധാന്യം നൽകുന്നുണ്ട് ഈ ചിത്രം.വൗ സിനിമാസിൻ്റെ ബാനറിൽ സന്തോഷ് ത്രിവിക്രമനാണ് ചിത്രം നിർമ്മിക്കുന്നത്. കുഞ്ഞമ്മണീസ് ഹോസ്പിറ്റൽ, പ്രിയൻ ഓട്ടത്തിലാണ്, സീക്രട്ട് ഹോം,എന്നീ ചിത്രങ്ങൾ നിർമ്മിച്ച വൗസിനിമാസിൻ്റെ നാലാമതു ചിത്രം കൂടിയാണിത്.ഫെബ്രുവരി ഇരുപത്തിയെട്ട് വെള്ളിയാഴ്ച്ച കുശാൽ നഗറിലെ ഹെഗ്ഡള്ളിഗ്രാമത്തിൽ തികച്ചുംലളിതമായിട്ടായിരുന്നു ചിത്രത്തിൻറെ തുടക്കം.

ക്രിയേറ്റീവ്ഹെഡ്ഡും, ലൈൻ പ്രൊഡ്യൂസറുമായ നിഖിൽ. കെ. മേനോൻ ചിത്രത്തിൻറെ സ്വിച്ച് ഓൺ നിർവ്വഹിച്ചു. ബൈജു സന്തോഷ്, വിനീത് തട്ടിൽ, ഷാജു ശ്രീധർ, തമിഴിലും, മലയാളത്തിലുമായി ശ്രദ്ധേയരായ ഹരീഷ്, വിനോദ് സാഗർ, എന്തി വരും,അതുല്യ ചന്ദ്രൻ, മാസ്റ്റർ ആര്യൻ. എസ്. പൂജാരി ബേബിമിത്രാ സഞ്ജയ്,എന്നിവരും പ്രധാന താരങ്ങളാണ്.ഷിബു ചക്രവർത്തി,സന്തോഷ് വർമ്മ, എന്നിവരുടെ ഗാനങ്ങൾക്ക് ജെറി അമൽദേവ്, മണികണ്ഠൻ അയ്യപ്പഎന്നിവർ ഈണം പകർന്നിരിക്കുന്നു. കൂർഗ്, കണ്ണർ, തലശ്ശേരി, ഇരിട്ടി, മുംബൈ എന്നിവിടങ്ങളിലായി ഈ ചിത്രത്തിൻ്റെ ചിത്രീകരണം പൂർത്തിയാകും.

ഛായാഗഹണം --അജയ് ഡേവിഡ് കാച്ചപ്പിള്ളി, എഡിറ്റിംഗ്- രഞ്ജൻ ഏബ്രഹാം, കലാസംവിധാനം - സാബുറാം, മേക്കപ്പ് - പി.വി. ശങ്കർ, കോസ്റ്റും - ഡിസൈൻ- അയിഷാ സഫീർസേട്ട്., നിശ്ചല ഛായാഗ്രഹണം. സലീഷ് പെരിങ്ങോട്ടുകര, ചീഫ് അസ്സോസ്സിയേറ്റ് ഡയറക്ടർ -കെ.ജെ. വിനയൻ, അസ്സോസ്സിയേറ്റ് ഡയറക്ടേഴ്സ് - പ്രസാദ് യാദവ്, ഗോപൻകുറ്റ്യാനിക്കാട്സ, ഹ സംവിധാനം - ആകാശ് എം, കിരൺ ചന്ദ്രശേഖരൻ, സജി മുണ്ടൂർ, ഉണ്ണി വരദം പി ആർ ഓ വാഴൂർ ജോസ്.