ഇംഗ്ലീഷ് ഹൊറർ ചിത്രം പാരാ നോർമൽ പ്രോജക്ട് ഏപ്രിൽ 14 മുതൽ ഓ ടി ടി യിൽ
ക്യാപ്റ്റരിയസ് എന്റർടൈൻമെന്റിന്റെ ബാനറിൽ ചാക്കോ സ്കറിയ നിർമിച്ചു എസ് എസ് ജിഷ്ണു ദേവ് തിരക്കഥ എഴുതി സംവിധാനം നിർവഹിച്ച ഇംഗ്ലീഷ് ഹോറർ ചലച്ചിത്രമായ പാരനോർമൽ പ്രൊജക്റ്റ്‌ ഏപ്രിൽ 14 ന് ഡബ്ള്യു എഫ് സി എൻ കോഡ് (WFCN COD), ബി സി ഐ നീറ്റ് (BCINEET) തുടങ്ങിയ ഓ ടി ടി പ്ലേറ്റ്ഫോമുകൾ വഴി റിലീസിനു എത്തുകയാണ്.
അമേരിക്കൻ ഡിസ്ട്രിബ്യൂഷൻ കമ്പനി ആയ ഡാർക്ക്‌ വെബ് ഫിലിംസും വരാഹ ഫിലിംസും ആണ് സിനിമയുടെ ഡിസ്ട്രിബ്യൂഷൻ നടത്തുന്നത്. തീർത്തും ഇന്ത്യൻ പശ്ചാത്തലത്തിൽ ഒരുക്കിയ ഈ ഹൊറർ സിനിമയിൽ പാരനോർമൽ ഇൻവെസ്റ്റിഗേറ്റേഴ്സ് നടത്തിയ മൂന്ന് കേസുകൾ ആണ് ചിത്രീകരിച്ചിരിക്കുന്നത്. ഫിക്ഷനും ചില യഥാർത്ഥ അനുഭവ കുറിപ്പുകളും അടിസ്ഥാനമാക്കിയാണ് സിനിമയുടെ തിരക്കഥ ഒരുക്കിയിരിക്കുന്നത്.
സ്നേഹൽ റാവു, ഗൗതം എസ് കുമാർ, അഭിഷേക് ശ്രീകുമാർ, സുനീഷ്, ശരൺ ഇൻഡോകേര, ഷാജി ബാലരാമപുരം, ടി സുനിൽ പുന്നക്കാട്, ഫൈസൽ, മാനസപ്രഭു, ബേബി ആരാധ്യ, ബേബി അവന്തിക, മാസ്റ്റർ അമൃത് സുനിൽ, മാസ്റ്റർ നൈനിക്ക്, ചാല കുമാർ, അനസ് ജെ റഹീം, ശ്രീവിശാഖ്, പ്രിൻസ് ജോൺസൻ, വിപിൻ ശ്രീഹരി എന്നിവർ പ്രധാന വേഷത്തിൽ എത്തുന്നു.
ചിത്രത്തിന്റെ ചായാഗ്രഹണം, ചിത്രസംയോജനം എന്നിവ നിർവഹിച്ചത് സംവിധായകനായ എസ് എസ് ജിഷ്ണു ദേവ് തന്നെയാണ്. പശ്ചാത്തല സംഗീതം ഒരുക്കിയത് ഇറ്റാലിയൻ മ്യൂസിഷ്യൻ ആയ പിയാർഡോ ഡി അഗോസ്റ്റിനോയും സൗണ്ട് മിക്സ്‌, സൗണ്ട് ഡിസൈൻ എന്നിവ ശ്രീ വിഷ്ണു ജെ എസ്സും പബ്ളിസിറ്റി ഡിസൈൻസ് പ്രജിൻ ഡിസൈൻസ്, വിനിൽ രാജ് എന്നിവരും ചേർന്നാണ്. (പി ആർ ഓ) അജയ് തുണ്ടത്തിൽ