‘അമ്മ’യിൽ അംഗത്വമെടുത്ത് കമൽഹാസൻ
സിദ്ദീഖ് കമല്ഹാസന് മെംബര്‍ഷിപ്പ് നല്‍കി സ്വാഗതം ചെയ്തു
By : Athul
Update: 2024-07-14 10:06 GMT
മലയാളത്തിൽ അഭിനേതാക്കളുടെ സംഘടനയായ ‘അമ്മ’യിൽ അംഗത്വമെടുത്ത് കമൽഹാസൻ. മെംബർഷിപ്പ് ക്യാംപെയ്നിന്റെ ഭാഗമായി നടനും സംഘടനയുടെ ജനറൽ സെക്രട്ടറിയുമായ സിദ്ദീഖ് കമല്ഹാസന് മെംബര്‍ഷിപ്പ് നല്‍കി സ്വാഗതം ചെയ്തു. കൊച്ചിയിലെ ഓഫിസിലെത്തിയാണ് കമൽഹാസൻ ഔദ്യോഗികമായി ‘അമ്മ’യുടെ അംഗമായത്. ഷങ്കറിന്റെ സംവിധാനത്തിൽ വന്ന ഇന്ത്യൻ 2 വിന്റെ പ്രമോഷന്റെ ഭാഗമായിട്ടാണ് താരം കൊച്ചിയിൽ എത്തിയത്.
‘‘അമ്മ കുടുംബത്തിന്റെ ശക്തി അതിലെ ഓരോ അംഗവുമാണ്, ഓരോ അംഗത്തിന്റെയും ശക്തിയാണ് ഈ കുടുംബം. നമ്മുടെ ഉലകനായകന്‍ കമല്ഹാസന് സാറിന് ഓണററി മെംബര്‍ഷിപ്പ് നല്‍കിക്കൊണ്ട് ഞങ്ങളുടെ മെമ്പര്‍ഷിപ്പ് ക്യാംപെയ്ന്‍ ആരംഭിച്ചിരിക്കുകയാണ്- ‘അമ്മ’യുടെ പേജില്‍ കുറിച്ചു.