നിവിൻ പോളി - നയൻതാര ചിത്രം ഡിയർ സ്റ്റുഡന്റ് : ബി ടി എസ് പുറത്തുവിട്ട് അണിയറ പ്രവർത്തകർ
നിവിൻ പോളിയുടെ നിർമ്മാണത്തിൽ നവാഗതനായ സന്ദീപ് കുമാർ രചനയും സംവിധാനവും നിർവഹിക്കുന്ന തമിഴ് ചിത്രമായ 'ഡിയർ സ്റ്റുഡന്റ്സിന്റെ ഷൂട്ടിംഗ് ലൊക്കേഷനിലെ അണിയറ ദൃശ്യങ്ങൾ പങ്കുവെച്ചു. ചിത്രത്തിലെ പ്രധാന വേഷത്തിൽ എത്തുന്ന നയൻതാരയുടെ ജന്മദിനത്തോട് അനുബന്ധിച്ചായിരുന്നു ഇത്തരമൊരു വീഡിയോ സാമൂഹ്യ മാധ്യമങ്ങളിലൂടെ പങ്കുവെച്ചത്. ഷൂട്ടിംഗ് ലൊക്കേഷനായ ഒരു ഹൗസിങ് കോളനിയിൽ നയൻതാര എത്തുന്നതും , താരത്തെ കാത്തിരുന്ന ആരാധകരെ കൈവീശി കാണിക്കുന്നതുമായ ദൃശ്യത്തിൽ കാണാം. പോളി ജൂനിയർസ് എന്ന നിവിൻ പോളിയുടെ നിർമ്മാണ കമ്പനിയായിരിക്കും ചിത്രം നിർമ്മിക്കുന്നത്. ചിത്രത്തിൽ ഒരു നീണ്ട അതിഥി വേഷത്തിൽ നിവിൻ പോളി എത്തുമെന്നാണ് റിപ്പോർട്ടുകൾ.
ധ്യാൻ ശ്രീനിവാസൻ ആദ്യമായി സംവിധാനം ചെയ്ത ലവ് ആക്ഷൻ ഡ്രാമയിൽ (2019) സ്‌ക്രീൻ സ്‌പേസ് പങ്കിട്ട നിവിനും നയൻതാരയും വീണ്ടും ഒന്നിക്കുന്ന ചിത്രം കൂടെയാണ് ഡിയർ സ്റ്റുഡന്റസ്. 2022ൽ പുറത്തിറങ്ങിയ അൽഫോൺസ് പുത്രൻ്റെ ഗോൾഡ് എന്ന ചിത്രത്തിലാണ് നയൻതാര അവസാനമായി മലയാള സിനിമയിലെത്തിയത്. നയൻതാരയുടെ വരാനിരിക്കുന്ന തമിഴ് പ്രോജക്‌ടുകളിൽ സെന്തിൽ നല്ലസാമിയുടെ രാക്കയി, എസ് ശശികാന്തിൻ്റെ ടെസ്റ്റ്, ഡ്യൂഡ് വിക്കിയുടെ മണ്ണങ്ങാട്ടി 1960 മുതൽ എന്നിവ ഉൾപ്പെടുന്നു. അതേസമയം, അനുരാജ് മനോഹറിൻ്റെ ശേഖര വർമ്മ രാജാവ്, എബ്രിഡ് ഷൈൻ്റെ ആക്ഷൻ ഹീറോ ബിജുവിൻ്റെ രണ്ടാം ഭാഗം, അഖിൽ സത്യൻ്റെ രണ്ടാമത്തെ സംവിധാന ചിത്രം , നവാഗതനായ ആര്യൻ രമണി ഗിരിജാവല്ലഭവൻ്റെ പേരിടാത്ത ചിത്രം, തമിഴ് ചിത്രം ഏഴു കടൽ , ഏഴു മലൈ എന്നീ ചിത്രങ്ങളുടെ തിരക്കിലാണ് നിവിൻ