ആന്റണി ഈ കാര്യത്തിൽ ഒരുപാട് അഡ്ജസ്റ്റ് ചെയ്യുന്നു: കീർത്തി സുരേഷ്

 കഴിഞ്ഞ വർഷം ഡിസംബറിൽ ആണ് തന്റെ കാമുകനായ ആന്റണി തട്ടിലുമായി കീർത്തി സുരേഷ് വിവാഹം കഴിക്കുന്നത്. ഏകദേശം 15 വർഷത്തോളമായി ഇരുവരും പ്രണയത്തിലായിരുന്നു. എന്നാലും ഇരുവരും സ്വകാര്യമാക്കി തങ്ങളുടെ ബന്ധം മറച്ചുവെച്ചിരുന്നു. ഇരുവരുടെയും വിവാഹ ചിത്രങ്ങൾ ചുരുങ്ങിയ സമയത്തിനുള്ളിൽ വൈറലായിരുന്നു. മാധ്യമ ശ്രെദ്ധ തങ്ങളിലേക്ക് വരുന്നതിൽ ഉള്ള ആന്റണിയുടെ പ്രതികരണത്തിന്റെ പാട്ടി കീർത്തി സുരേഷ് എപ്പോൾ തുറന്നു പറഞ്ഞിരിക്കുകയാണ്. വ്യവസായി ആയ ആന്റണി തട്ടിൽ മാധ്യമങ്ങളെയും, ക്യാമറയും അത്ര കണ്ടു ശീലിച്ചിട്ടില്ലാത്ത വ്യക്തിയാണ്. എന്നാലും ആന്റണി ഈ കാര്യത്തിൽ ഒരുപാട് അഡ്ജസ്റ്റ് ചെയ്യുന്നുണ്ടെന്നും കീർത്തി പറയുന്നു.

ഒരു മാധ്യമത്തിന് നൽകിയ അഭിമുഖത്തിൽ, ലൈംലൈറ്റ് തന്നെ വ്യക്തിപരമായി ബാധിച്ചിട്ടില്ലെങ്കിലും, വാസ്തവത്തിൽ, അത്രയധികം ശ്രദ്ധിക്കപ്പെടാത്ത തൻ്റെ ഭർത്താവ് ആൻ്റണിയെ അത് സ്വാധീനിച്ചിട്ടുണ്ടെന്ന് കീർത്തി പറയുന്നു.

“സത്യസന്ധമായി, ഒന്നും വലിയ മാറ്റമൊന്നും വരുത്തിയിട്ടില്ല. അത് ഞങ്ങൾക്ക് ഏറെക്കുറെ സമാനമാണ്. ശ്രദ്ധയും ബഹളവും ഉണ്ടായി എന്ന് മാത്രം. ഞാൻ ഇത് ശീലിച്ച ആളാണ്, പക്ഷേ ആൻ്റണിക്ക് അത്ര ശീലമില്ല. അതിനാൽ അത് അദ്ദേഹത്തിന് വളരെ വ്യത്യസ്തമാണ്. ”

വിവാഹശേഷം ആദ്യ പൊങ്കൽ ഭർത്താവിനൊപ്പംആഘോഷിച്ച നടി, അതെല്ലാം തനിക്ക് സ്പെഷ്യൽ ആണെന്ന് തുറന്നുപറഞ്ഞു. ക്രിസ്മസ് വേളയിൽ നിന്ന് വ്യത്യസ്തമായി, ആൻ്റണിയുടെ കുടുംബത്തോടൊപ്പം ചേർന്നപ്പോൾ, ഇത്തവണ ഇരുവരും തിരുവനന്തപുരത്തെ വീട്ടിൽ വന്ന് ആണ് പൊങ്കൽ ഉത്സവം കുടുംബത്തോടൊപ്പം ചെലവഴിച്ചതെന്നു കീർത്തി വെളിപ്പെടുത്തി.

വിവാഹ ശേഷം സിനിമയിൽ തിരിച്ചെത്തിയിട്ടുണ്ടെന്നും 2025 ലെ പുതിയ സ്ക്രിപ്റ്റുകൾ, പുതിയ പ്രോജക്ടുകൾ, പുതിയ അവസരങ്ങൾ എന്നിവയ്ക്കായി കാത്തിരിക്കുകയാണെന്നും കീർത്തി വെളിപ്പെടുത്തി. വിവാഹ ശേഷം കീർത്തി അഭിനയിക്കുന്നില്ല എന്ന അഭ്യൂഹങ്ങൾ നേരത്തെ ഉണ്ടായിരുന്നു.

വരുൺ ധവാൻ നായകനായ ബേബി ജോൺ ആയിരുന്നു കീർത്തിയുടെ പുതിയ ഇറങ്ങിയ ചിത്രം. ഇത് താരത്തിന്റെ ആദ്യ ബോളിവുഡ് ചിത്രം കൂടി ആണ്. എന്നാൽ ചിത്രം കടുത്ത പരാജയമായിരുന്നു ബോക്സ് ഓഫീസിൽ നേരിട്ടത്.