സ്ട്രീമിങ്ങിനൊരുങ്ങി മലയാളം വെബ് സീരീസ് സോൾ സ്റ്റോറീസ്
.ഒക്‌ടോബർ 18ന് മനോരമ മാക്സിലൂടെയാണ് സീരീസ് എത്തുക
പുതിയ മലയാളം വെബ് സീരീസായ സോൾ സ്റ്റോറീസ് ഉടൻ ഡിജിറ്റലായി പുറത്തിറങ്ങാൻ പോകുന്നു. ഒക്‌ടോബർ 18ന് മനോരമ മാക്സിലൂടെയാണ് സീരീസ് എത്തുക.ഈ വർഷത്തെ പ്ലാറ്റ്‌ഫോമിൻ്റെ ആദ്യ മലയാളം വെബ് സീരീസാണിത്.വെബ് സീരീസിൻ്റെ ഏറ്റവും പുതിയ ടീസറിൽ ഓരോ എപ്പിസോഡിൻ്റെയും സ്നീക് പീക്ക് കാണിക്കുന്നുണ്ട് . സ്ത്രീകൾ പ്രധാന കഥാപാത്രങ്ങളാകുന്ന സീരീസാണ് സോൾ സ്റ്റോറീസ്.സനിൽ കളത്തിൽ സംവിധാനം ചെയ്ത വെബ് സീരീസിൻ്റെ നാല് എപ്പിസോഡുകളിലും ഓരോന്നും സ്ത്രീകളുമായി ബന്ധപ്പെട്ട രസകരമായ വിഷയങ്ങളിലും പുരുഷാധിപത്യ സമൂഹം അവരിൽ വെച്ചിരിക്കുന്ന വ്യത്യസ്ത പ്രതീക്ഷകളിലും ശ്രദ്ധ കേന്ദ്രീകരിച്ചുള്ളതാണ്.അനാർക്കലി മരിക്കാർ, രഞ്ജി പണിക്കർ, ആർജെ കാർത്തിക്, വഫ ഖത്തീജ, ആശാ മടത്തിൽ, ഗോപിക മഞ്ജുഷ എന്നിവരാണ് വെബ് സീരീസിലെ അഭിനേതാക്കൾ. സുഹാസിനി ഇതിൽ ഒരു പ്രധാന വേഷം ചെയ്യുന്നുമുണ്ട്. ആദ്യമായി തന്റെ ശബ്ദത്തിൽ തന്നെ ഡബ്ബ് ചെയ്യാൻ ഈ സീരിസിലൂടെ കഴിഞ്ഞുവെന്ന് നടി സുഹാസിനി പറഞ്ഞിരുന്നു.