'റൈസ് ഓഫ് ഡ്രാഗൺ' : ഡ്രാഗണിലെ ആദ്യ സിംഗിൾ പുറത്ത് പ്രദീപ് രംഗനാഥനൊപ്പം ഗൗതം വാസുദേവ മേനോനും

ലവ് ടുഡേ എന്ന ചിത്രത്തിലൂടെ പ്രശസ്തനായ പ്രദീപ് രംഗനാഥൻ നായകനാകുന്ന പുതിയ ചിത്രമാണ് ഡ്രാഗൺ. അശ്വത് മാരിമുത്തു സംവിധാനം ചെയ്യുന്ന ചിത്രം 2025 ഫെബ്രുവരിയിൽ തിയറ്ററുകളിൽ എത്തും.ഡ്രാഗണിലെ ആദ്യ സിംഗിൾ ഗാനം പുറത്ത്

'റൈസ് ഓഫ് ഡ്രാഗൺ' എന്നാണ് ഗാനത്തിന്റെ പേര്. ഗാനരംഗത്തിൽ ഏറ്റവും കൂടുതൽ ആകർഷിച്ചത് ശ്രദ്ധേയനായ ചലച്ചിത്ര സംവിധായകനും നടനുമായ ഗൗതം വാസുദേവ് ​​മേനോൻ ഗാനരംഗത്ത് പ്രത്യക്ഷപ്പെട്ടത് ആണ്. അനിരുദ്ധ് രവിചന്ദർ, നാദിഷ തോമസ്, എൽ ഫേ ക്വയർ എന്നിവർ ആലപിച്ച ഗാനത്തിൻ്റെ ചില ബിടിഎസ് രംഗങ്ങളും ഇതിൽ ഉൾപ്പെടുത്തിയിട്ടുണ്ട് . വിഘ്നേഷ് ശിവൻ്റെ വരികൾക്ക് ലിയോൺ ജെയിംസാണ് റൈസ് ഓഫ് ഡ്രാഗണിൻ്റെ സംഗീതം ഒരുക്കിയിരിക്കുന്നത്.ഗാനം ഒരു ഓഫീസ് സെറ്റിലാണ് സജ്ജീകരിച്ചിരിക്കുന്നത്. അതേസമയം ഗൗതം വാസുദേവ് ​​മേനോൻ ഗാനത്തിൽ നൃത്തം ചെയ്യുന്നുണ്ട്.

ഓ മൈ കടവുലേ എന്ന റോം-കോമിലൂടെ പ്രശസ്തനായ അശ്വത് മാരിമുത്തുവാണ് ചിത്രത്തിൻ്റെ രചനയും സംവിധാനവും നിർവ്വഹിച്ചിരിക്കുന്നത്. പ്രദീപ് രംഗനാഥനൊപ്പം ഡ്രാഗണിൽ അനുപമ പരമേശ്വരനാണ് നായിക. കെ എസ് രവികുമാർ, മിഷ്‌കിൻ, വിജെ സിദ്ധു, ഹർഷത് ഖാൻ, കയാടു ലോഹർ, മറിയം ജോർജ്, ഇന്ദുമതി മണികണ്ഠൻ, തേനപ്പൻ എന്നിവർക്കൊപ്പം ഗൗതം വാസുദേവ് ​​മേനോനും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്.എജിഎസ് എൻ്റർടൈൻമെൻ്റ് ബാനറിൽ കൽപ്പാത്തി എസ് അഘോരം, കൽപ്പാത്തി എസ് ഗണേഷ്, കൽപ്പാത്തി എസ് സുരേഷ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.