ലളിതം സുന്ദരം ഈ വിവാഹം ; ഗായിക അഞ്ചു ജോസഫ് വിവാഹിതയായി

ഗായിക അഞ്ജു ജോസഫ് വീണ്ടും വിവാഹിതയായി. ശനിയാഴ്ച നടന്ന ലളിതമായ വിവാഹത്തിൽ അഞ്ചു ജോസഫ് തൻ്റെ പ്രതിശ്രുത വരൻ ആദിത്യ പരമേശ്വരനുമായി പ്രതിജ്ഞ കൈമാറി. തൻ്റെ ഇൻസ്റ്റഗ്രാം ഹാൻഡിലിലൂടെയാണ് താരം ആരാധകരുമായി ഈ സന്തോഷവാർത്ത പങ്കുവെച്ചത്. ആലപ്പുഴ രജിസ്ട്രാർ ഓഫീസിന് പുറത്ത് ദമ്പതികൾ ഒന്നിച്ചു നിൽക്കുന്ന ചിത്രത്തിൽ അഞ്ചു ജോസഫ് കേരള സാരിയും വരൻ കുർത്തയും വേഷ്ടിയും ആയിരുന്നു വേഷം. ഫ്‌ളവേഴ്‌സ് ടിവിയിൽ സംപ്രേക്ഷണം ചെയ്തിരുന്ന സ്റ്റാർ മാജിക് എന്ന മലയാളം റിയാലിറ്റി ഷോയുടെ ഡയറക്ടറായിരുന്ന അനൂപ് ജോൺ ആണ് അഞ്ജുവിന്റെ മുൻ ഭർത്താവ്. ഇരുവരും വിവാഹ ബന്ധം വേർപെടുത്തിയ വിവരം സോഷ്യൽ മീഡിയ പ്ലാറ്റ്‌ഫോമുകളിൽ പങ്കിട്ടിരുന്നു. അതിനു ശേഷം ജീവിതത്തിൽ തൻ നേരിട്ട ദുരവസ്ഥയും പ്രേശ്നങ്ങളും എങ്ങനെ തരണം ചെയ്തെന്നു കട്ടി അഞ്ചു ജോസഫ് ഇൻസ്റ്റാഗ്രാമിൽ ഒരു വീഡിയോ പങ്കുവെച്ചിരുന്നു. വിവാഹം അവശേഷിപ്പിച്ച വൈകാരിക മുറിവുകളെക്കുറിച്ചും, വീണ്ടെടുക്കലിലേക്കും സ്വയം രോഗശാന്തിയിലേക്കുമുള്ള തൻ്റെ യാത്രയെ കുറിച്ചും അഞ്ചു ജോസഫ്‌ ഇതിലൂടെ തുറന്നു കാട്ടിയിരുന്നു.

പിന്നണി ഗായികയായി കരിയർ ആരംഭിച്ച അഞ്ജു ജോസഫ് ഐഡിയ സ്റ്റാർ സിംഗർ എന്ന റിയാലിറ്റി ഷോയുടെ നാലാം സീസണിലെ മത്സരാർത്ഥിയായിരുന്നു. നിരവധി ചിത്രങ്ങളിൽ അഞ്ചു ജോസഫ് ഗാനം ആലപിച്ചിട്ടുണ്ട്. കൂടാതെ YouTube-ലെ ആകർഷകമായ മ്യൂസിക് വീഡിയോകൾക്ക് നിരവധി ആരാധകരും ഉണ്ട്.