''സത്യം വിജയിക്കും. നിങ്ങളുടെ പിന്തുണയ്ക്ക് നന്ദി,"- വീട്ടുജോലിക്കാരനെ ഉപദ്രവിച്ചെന്ന പരാതിയിൽ വെളിപ്പെടുത്തലുമായി നടി പാർവതി നായർ

അടുത്തിടെ വിജയ്ക്കൊപ്പം ദ ഗോട്ട് സിനിമയിൽ അഭിനയിച്ച നടിയും മോഡലുമായ പാർവതി നായർ, തൻ്റെ വീട്ടുജോലിക്കാരനായ സുബാഷിനെ ആക്രമിച്ചതിൻ്റെ പേരിൽ ഇപ്പോൾ വിമർശനത്തിന് വിധേയയായിരിക്കുകയാണ്. തന്നെ അധിക്ഷേപിച്ചതിന് നടിക്കും മറ്റ് നിരവധി പേർക്കുമെതിരെ സുബാഷ് പിന്നീട് പരാതി നൽകി. ഒടുവിൽ എപ്പോൾ തരം ഇതിനെതിരെ പ്രതികരിക്കുകയും തൻ്റെ കഷ്ടപ്പാടുകൾ വിവരിച്ചുകൊണ്ട് ഒരു നീണ്ട കുറിപ്പ് സോഷ്യൽ മീഡിയയിൽ പോസ്റ്റ് ചെയ്യുകയും ചെയ്തു.

"ഇത്തരമൊരു വിപത്ത് നേരിടുമ്പോൾ ഉറച്ചുനിൽക്കുന്നു. സത്യം വിജയിക്കും. നിങ്ങളുടെ പിന്തുണയ്ക്ക് നന്ദി,"-പാർവതി തൻ്റെ എക്‌സ് ഹാൻഡിൽ പോസ്റ്റ് ചെയ്ത പ്രസ്താവനയിൽ പറയുന്നു .തൻ്റെ വീട്ടിൽ നടന്ന മോഷണത്തെ തുടർന്ന് കഴിഞ്ഞ രണ്ട് വർഷമായി  ഇതിന്റെ പേരിലുള്ള പീഡനം സഹിക്കുകയാണെന്ന് എന്നുള്ള കാര്യം നടി വെളിപ്പെടുത്തി. 2022 ഒക്‌ടോബറിലാണ് സംഭവം നടന്നത്. ഒരു ദിവസം ഉപദ്രവം നിർത്തുമെന്ന് കരുതി താൻ ഒരിക്കലും പരസ്യമായി ഇതിനെക്കുറിച്ച് സംസാരിച്ചിട്ടില്ലെന്ന് പാർവതി പങ്കുവെച്ചു.

" ഇതിനു ഉത്തരവാദിത്തപ്പെട്ട വ്യക്തി ഇപ്പോൾ എന്നെ അപകീർത്തിപ്പെടുത്താൻ ശ്രെമിക്കുന്നു , ഒടുവിൽ പ്രചരിക്കുന്ന തെറ്റായ വിവരണങ്ങളും അടിസ്ഥാനരഹിതമായ ആരോപണങ്ങളും തെറ്റാണെന്ന് തെളിയുക്കുകയല്ലാതെ എനിക്ക് മറ്റ് മാർഗമില്ല," പാർവതി കൂട്ടിച്ചേർത്തു.

2022 ഒക്‌ടോബറിൽ ഏകദേശം 100000 രൂപ വിലയുള്ള വിലപിടിപ്പുള്ള വസ്തുക്കളും 18 ലക്ഷം രൂപയും താരത്തിന്റെ വീട്ടിൽ നിന്ന് മോഷ്ടിക്കപ്പെട്ടു. ഉടൻ തന്നെ പോലീസിൽ പരാതി നൽകി,നാല് വ്യക്തികൾക്കെതിരെയാണ് കേസ് രജിസ്റ്റർ ചെയ്തിരിന്നു .അവരിൽ ഒരാൾ വീട്ടുജോലിക്കാരൻ സുബാഷ് ആയിരുന്നു. താരത്തിനും മറ്റുള്ളവർക്കുമെതിരെ സുബാഷ് കെട്ടിച്ചമച്ച എതിർപരാതി നൽകി, തന്നെകുറിച്ചു തെറ്റായ വാദങ്ങൾ പ്രചരിപ്പിക്കാൻ മാധ്യമങ്ങളെ തെറ്റിദ്ധരിപ്പിക്കുകയും നടിയുടെ പ്രശസ്തിക്ക് കളങ്കമുണ്ടാക്കുകയും ചെയ്തു. കൂടാതെ താരത്തിന്റെ പ്രസിദ്ധീകരിക്കാത്ത ഫോട്ടോകൾ പരസ്യപ്പെടുത്തികൊണ്ട് അയാൾ തന്റെ സ്വകാര്യതയെ കൂടുതൽ ലംഘിച്ചു എന്നും പാർവതി പറയുന്നു. സുബാഷിനെതിരെ താൻ ഒന്നിലധികം കേസുകൾ ഫയൽ ചെയ്തിട്ടുണ്ടെന്നും ജാതിയുടെ അടിസ്ഥാനത്തിൽ അയാളോട് വിവേചനം കാണിച്ചിട്ടില്ലെന്നും പാർവതി പറയുന്നു. സുബാഷ് പണം തട്ടാൻ ശ്രമിക്കുന്നുണ്ടെന്നും കൊല്ലുമെന്ന് ഭീഷണിപ്പെടുത്തിയതായും അവർ മൊഴിയിൽ പറയുന്നു. വിഷയം തൻ്റെ മാനസികാരോഗ്യത്തെ ബാധിക്കുന്നുണ്ടെന്ന് പാർവതി വെളിപ്പെടുത്തി.